ജോമോന്റെ അരഞ്ഞാണം ???

ഈ പിടി വിട്ട കളി നടന്നതു ഞങ്ങളുടെ തീരത്തിനകലേയുള്ള പണിശാലായില്‍ തന്നെയാണ്.

ഇന്ന് ക്രിത്യം പത്ത് മണിക്കും മൂന്നു മണിക്കും ഇടയില്‍.

എന്ത് സത്യം പറയാനോ ??? ശ്ശോ ... നിന്നേം കൊണ്ടൊക്കെ മനുഷ്യന്‌ ജീവിക്കാന്‍ പറ്റണ്ടായല്ലോ ഈശ്വരാ... ഓകെ, പതിനൊന്നിനും മൂന്നിനുമിടയില്‍, ഇനി ആരോടും പോയി പറയണ്ടാ ഞാന്‍ ഇന്നും പത്തേകാലിനാണ്‌ വന്നതെന്ന്‌. പ്രോമിസ്?

 ശരി ഇനി കാര്യത്തിലേക്കു കടക്കാം. ആദ്യമേ പറയാം, സങ്കതി ഇത്തിരി സീരിയസ് ആണ്, ആരോടും പറയണ്ട. നമ്മുടെ ഭാഷയില്‍ പറഞ്ഞാല്‍ തികച്ചും കോണ്ഫിടന്‍ഷ്യല്‍, അപ്പ്രൈസല്‍ റിസള്‍ട്ടും സാലറി ഹൈക്കും പോലെ. ഏയ് അങ്ങനെ പുറത്തു പറയാന്‍ കൊള്ളാത്തതാണ്‌ എന്നല്ല ഞാന്‍ ഉദ്ദേശിച്ചത്. അങ്ങനെ കണ്ണില്‍ കണ്ട ടീമിനോടൊന്നും കേറി ചുമ്മാ പ്റയണ്ടാന്നാ പറഞ്ഞെ. കേഷിനാണെല്‍ പറഞ്ഞോ. കിട്ടുന്നതിന്റെ 10% അതായതു എന്റെ വിഹിതം നളന്‌ കൊടുക്കാന്‍ , ബ്ലാങ്കൂര്, 560059 എന്ന വിലാസം പറഞ്ഞുകൊടുത്ത് അന്‍ജലോട്ടക്കാരന്റെ കയ്യില്‍ കൊടുത്താമതി. വഴിയും പറഞ്ഞു കൊടുത്തേക്ക്, http യില്‍ ഇറങ്ങി രണ്ടു കുത്തിന്നിടയിലോടെ നൂഴ്ഞ്ഞു കയറി രണ്ടു ഹൈ ജുമ്പ് എടുത്തല്‍ നെരെ http://www.nalacharithampathinezhambhagam.blogspot.com/ എന്ന എന്റെ കൊട്ടരത്തില്‍ എത്താംന്ന് നിനക്കറിയാല്ലോ...

ശ്... ശ്... ദേ നിന്റെ പുറകിലാരോ നോക്കുന്നു. അത് തീര്‍ത്തിട്ടുവാ...

കഴിഞ്ഞോ ? ഹും ഇനി മൊബൈല്‍ സൈലന്റല്ലെ? ഓകെ.
കാര്യം എന്താന്നുവച്ചാല്‍ , നമ്മുടെ ജോമോന്‍ല്ല്യെ, ജോമോന്‍, ഡാ ഇത്തിരി തടിച്ചിട്റ്റു ഉരുണ്ട വയറും ചെത്തിമിനുക്കി കടിച്ചു തിന്നതിനുശേഷം ബാക്കിയുള്ള കട്ടിമീശയൊക്കെയുള്ള വയസ്സ് 42ആയെങ്കിലും വല്യ കാഷ്ണ്ടിയൊന്നും ഇല്ലാത്ത സുന്ദരനും സുമുഖനുമായാ ആ ചെറൂപ്പക്കരന്‍... അറിയില്ലെ നിനക്കു ?


"എന്തു? മച്ചൂന്റെ പേര്‍ ജോമോന്‍ ന്നല്ലന്നാ?, ഡാ നിനക്കറിയില്ലെ ഗഡീ, നമ്മളിവിടെ ഒറിജിനല്‍ പേരു പറയാറില്ലാ... തല്ക്കലാം നീ ജോമോന്‍ന്നു പറഞ്ഞാല്‍ അവന്‍ തന്നെയ്യാണെന്നു മനസ്സിലാക്ക്, ശ്ശൊ നിന്നോടൊക്കെ ഒരു സംഭവം പറയണംന്നുവച്ചാലുള്ള ഒരു ഫുദ്ദിമുട്ടേയ്..."

അപ്പൊ ജോമോന്‍ , ആര്‌, ജോമോന്‍.., ആ ജോമോന്‍ ഇന്നു ചാത്തന്‍മാരുള്ളോണ്ടൂമാത്രം രക്ഷപെട്ടതാ..
നമ്മുടെ, ജോയ്കമ്മിറ്റിയില്ലെ അവരു നമ്മുടെ ഈ ODC - യില്‍ ഒളിമ്പിക്സ് നടത്തുന്നതു ഞാന്‍ പറഞ്ഞിടില്ലെ നിന്നോട്. ന്തോന്ന് ,ന്തോന്ന്? ജോയ്കമ്മിറ്റി എന്താന്നാ? അതൊരു കമ്മറ്റി. നമ്മുടെ അചായന്റെ , ലേത്, നമ്മുടെ അച്ചായന്‍ , ആ നിനക്കോര്‍മ്മവന്നുല്ലെ , ചുള്ളാനാണു നീ.. എനിക്കറിയാം നീ പഴയ ബ്ലൊഗു വായിച്ചു വളരുന്ന ഒരു ബ്ലോഗ്ലാന്‍ ബോയിയാന്നു . അച്ചയന്റേ അദ്യക്ഷതയില്‍ എന്നും ജോയിയാട്ടുള്ള സദാ ജീവിതം ജിങ്കാലാലാ ആയ ആള്‍ക്കാരെല്ലാം ഉള്ള ഒരു ടീമാണു ജോയ് കമ്മിറ്റി. ദോഷം പറയരുതല്ലോ, ഞങളുടെ എല്ലാ നല്ല സുഹൃത്തുക്കളും ഉണ്ട് അതില്‍. അവരൊക്കെയുള്ളതുകൊണ്ട് ജീവിതം സന്തോഷമായങ്ങനെ പോണു മടുപ്പില്ലണ്ടെ. അല്ലാണ്ടേത്രേന്നു വച്ചാ വെറുതെ ഇരിക്കാ? അവരിറങ്ങി ഇടക്കൊക്കെ ചില സംഭവങ്ങള്‍ പ്ലാന്‍ ചെയ്യും. വല്ല ഊണോ, പുറംലോകം കാണലോ, നിധി തിരയലോ ഒക്കെ. നമ്മളങ്ങു കയറി വിജയിപ്പിക്കും. ഇനി അവരെന്നാ 'ബിഗ്ഗ് ബോസ്സ്' നടത്താന്ന് നോക്കിയിരിക്ക ഞാന്‍. ഒന്ന് പങ്കെടുക്കണംന്നു കൊതിക്കാന്‍ തുടങ്ങിയിടൊത്തിരിയായേയ്...

അപ്പോ ഒളിമ്പിക്സ്. അതില്‍ ഇന്നൊരു ചെസ്സ് മത്സരമുണ്ടായിരുന്നു. ജോമോനും ഉണ്ടായിരുന്നു അതില്‍. പാവം ജോമോനുകളിക്കന്‍കിട്ടിയതു ലോകപ്രശതാനും കേരളാ ചെസ്സ് അസ്സോസിയേഷന്‍പസിഡണ്ടും ശ്രീ ശാന്തും സാനിയാമിര്‍സ്സയും കഴിഞ്ഞാല്‍ കേരളത്തിലെ ചെറുപ്പക്കാരുടെ , എന്നുവച്ചാല്‍ അതില്‍ DYFI യും യൂത്ത് കാഗ്രസ്സും AIYSF ഉം എന്തിനു MSF ഉം വരെ പെടും , നമ്മുടെ മന്ത്രി ബേബിച്ചായന്റെ വയസ്സുവരെയുള്ളവരെ കൂട്ടിയാമതി, അച്ചുമാമന്‍ ഒവെര്‍ ഏജാ, അപ്പൊ ചെറുപ്പക്കാരുടെ രോമാഞ്ജാവും അഖില ലോക ചെസ്സ് ചാമ്പ്യനുമായ ഈ ഞാന്‍...

പാവം ജോമോനറിയില്ലായിരുന്നു ഞാന്‍ പുലിയാന്നു. എന്ത് നിനക്കും അറിയില്ലാന്നാ??? മച്ചൂ കളിക്കല്ലേ കളിക്കല്ലേ, ' വിജയ്മല്ല്യക്കു വാറ്റൊഴിക്കല്ലേ...' നിന്നോടു ഞാന്‍ പറഞ്ഞതല്ലേ, നമ്മുടെ ആനദും, ഗാരി കാസ്പറോവുമൊക്കെയായി ഞാന്‍ പലതവണ നാട്ടിലെ സ്കൂള്‍ പറമ്പിലും നമ്മുടെ രായപ്പേട്ടന്റെ തെങ്ങിന്‍ തോപ്പിലും‍ [വാച്യം : രായപ്പേട്ടന്‍, എഴുത്യം : മൂളിക്കുന്നു തെങ്ങിന്റെ മോളില്‍ രാജപ്പന്‍ അഥവാ MT രാജപ്പന്‍ ] വച്ചു ചെസ്സില്‍ മുട്ടി അവരെയൊക്കെ പലപ്രാവശ്യം അടിയറവു പറ്റിച്ചത്. മച്ചൂസൊക്കെ ഇപ്പൊഴും ഇടയ്ക്കുവിളിക്കറുണ്ട്, ഇന്നലേം വിളിച്ചിട്ടുണ്ടാരുന്ന് ആനന്ദ്, ആളുടെ കുട്ടീടെ മൂന്നമത്തെ ജന്മദിനാന്നും പറഞ്ഞു. പോവാന്‍ പറ്റീല്ല ഇന്നു നമ്മുടെ മത്സരല്ലെ. ഗാരി ഇടക്കുവിളിക്കും പുതിയ തന്ത്രങ്ങള്‍ ചര്ച്ചാന്‍പിന്നെ സമയക്കുറവുമൂലം നമ്മള്‍ ഇപ്പൊ അത്രയ്ക്കൊന്നും ശ്രദ്ദ കൊടുക്കറില്ലാ ആള്‍ക്ക്. പിന്നെ 2004ഇല്‍ ലെ, നമ്മുടെ പന്ചായത്ത് മെംബെര്‍ കോരപ്പന്‍ ചേട്ടന്റെ കെട്ട്യോള്‍ കല്യാണിചേച്ചിടെ പണയത്തിലിരിക്കുന്ന കെട്ടുതാലി തിരിച്ചെടുക്കന്‍ അതിയാന്‍ നടത്തിയ ആറര സെന്റീമീറ്റര്‍ റോളിങ്ങ് ട്രോഫിക്ക് വേണ്ടിയുള്ള നൂറു രൂപ രെജിസ്ട്രേഷന്‍ ഫീസുണ്ടയിരുന്ന അഖില ലോക ചെസ്സ് ടൂറ്ണ്ണ്മെന്റില്‍ ഞാന്‍ വിജയശ്രീ ലാളിതനായതു നീ മറന്നോ ? നിന്റെ മമ്മി നിനക്കു ജ്യോതിഷ്ബ്രഹ്മി തരുന്നത് ഇതൊക്കെ ഒര്‍ക്കാനും താലോലിക്കനുമല്ലേടാ? അല്ലാണ്ടു പുസ്തകപ്പുഴു അവാ നീയ്? മോശാണ്‌ ട്ടോ... അങ്ങനെ ഒന്നും ആവണ്ടാ. നല്ലകുട്ട്യായിട്ടുതന്നെ വളരണം നീയ്...അതെന്റെ ഒരാഗ്രഹാ...

ആഹ്... അപ്പൊ തിരിച്ചു വരാം...

അങ്ങനെ ഒരു മൂളിപ്പട്ടൊക്കെ പാടി മിസ്റ്റര്‍ ഞാനും പുലിമാളത്തില്‍ വന്നുപെട്ട ജോമോനും, പക്ഷെ ഞാന്‍ പ്രത്യേകം ശ്രദ്ദിച്ചു ആളുടെ മുഖത്തൊരു ഗൂഡമായ പുന്‍ചിരി ഉണ്ടായിരുന്നു. എന്തോ അര്‍ഥം വെച്ചുള്ള ആ ചിരി ചിരി കണ്ടപ്പൊഴേ ഞാന്‍ കരുതി "ചിരിച്ചോ ചുള്ളാ ചിരിച്ചോ, ഈ ചിരിയൊന്നും ഇതുകഴിഞ്ഞു കാണില്ലാ അല്ലെങ്കില്‍ കാണിക്കില്ലാ ഈ മങ്കലശ്ശേരി നീലഖണ്ഡന്‍ മകന്‍ കാര്‍ത്തികേയന്റെ ഫാന്‍ നളന്‍ , ഇടഞ്ഞ കൊമ്പന്റെ രണ്ടാമത്തെ കണ്ണിനാ നീ തോട്ടി കെട്ടുന്നത്..."

വെള്ള കരുക്കള്‍കൊണ്ടാണ്‍ ഞാന്‍ സാധാരണ തുടങ്ങാറെങ്കിലും ഇന്നു അതെനിക്കു നഷ്ടമായിരുന്നു. ഈ നൂറ്റാണ്ടിന്റെ രണ്ടാമത്തെ നഷ്ടം. ഒന്നാമത്തെ നഷ്ടം അച്ചായനൊരു നേട്ടമായത് നീയും വായിച്ചു കാണുമല്ലോ...



തേരാളും കുതിരയും ആഞ്ഞുവെട്ടി "മുന്നോട്ട് മുന്നോട്ട്മുന്നോട്ട്..." എന്ന വയലാര്‍ വിപ്ലവഗാനങ്ങളുമാലപിച്ചുകൊണ്ട് തേരോട്ടം തുടങ്ങി. എന്തിനു പറയുന്നു രണ്ടുമൂന്നു തവണ പോയി പോയില്ല എന്ന മട്ടിലായിരുന്നു എന്ടെ മന്ത്രി പുംഗവന്‍ ജോമോന്റെ രാജാവിന്റെ കഴുത്തിനു വെട്ടിയത്. ചില വെട്ടുകള്‍ എല്ലാം കൊണ്ടതാണു. എന്നിട്ടും അന്ദ്രാക്കരുടെ സിനിമയിലെ നായകന്‍ വെടുയുണ്‍ടകള്‍ വിരല്‍ നഖമുപയോഗിച്ചു തടയുന്ന ലാഘവത്തോടെ രജാവു പുന്‍ന്ചിരിച്ചു കൊണ്ടുനില്ക്കുന്നു. വെട്ടൊന്നും അങ്ങേല്‍ക്കുന്നില്ലാ. ഒരിക്കല്‍ ഞാനും ഗാരിയും തമ്മില്‍ ചര്‍ച്ച ചെയ്ത ആ ചന്ദുവേട്ടന്‍ വെട്ടും പിന്നെ ആനന്ദിനെ ഒരിക്കല്‍ തോല്‍പ്പിക്കന്‍ ഞാന്‍ വെട്ടിയ ഉണ്ണിയാര്‍ച്ച ഉറുമിപ്രയോഗവും  കൊണ്ടിട്ടും  രാജാവിനൊരു കൂസലുമില്ല. പെട്ടന്നയിരുന്നു അതു സംഭവിച്ചത്. കലാളിന്റെയും ഗജഭീമന്‍മാരുടെയും ഒത്ത നടുക്കു നിന്ന എന്റെ രജാവിന്റെ തലയില്‍ ഒരു കാക്ക കാഷ്ടിച്ചു. " .. ച്ചെ ... , പള്ളിപ്പെരുന്നളിന്റെ ഇടയിലാ വികാരിയച്ചന്റെ സുവിശേഷ  പ്രസഗം" എന്നു പറഞ്ഞു രാജരാജന്‍ അതു മൈന്റു ചെയ്തില്ലാ. ഇത്തിരി സമയം കഴിഞ്ഞപ്പൊള്‍ ഒരു ചെറിയ  ഭൂമികുലുക്കം പോലെ എന്റെ രജാവു ബോധം കെട്ടു വീണു. ആമ്പുലന്‍സില്‍ അശുപത്രിയിലെത്തിച്ചപ്പോഴെക്കും രാജരാജന്റെ 'പള്ളി വടി' യാവല്‍ കഴിഞ്ഞിരുന്നു.

പോസ്റ്റ്മോര്‍ട്ടം നടത്തിയ നിംഹാന്സിലെ - രാജ രാജ മെഡിക്കല്‍ കോലേജിലെ - ചരകന്‍ പറഞ്ഞത് വിഷാംശം അടങ്ങിയ കാക്ക കാഷ്ടം ഉച്ഛിയില്‍ വീണതുകൊണ്ടാണു മരണം സംഭവിച്ചതു എന്നാണ്.


ഞെട്ടിത്തെരിച്ച ഞാന്‍, ചമ്മലൊഴിവാക്കനായൊന്നും അല്ല, ചിരിച്ചുകൊണ്ടിറങ്ങിപ്പോന്നു. എല്ലാവരും ജോമോന്റെ ആകസ്മിക വിജയത്തില്‍ അയാളുടെ പുറകേ കൂടി. എന്ത് സംഭവിച്ചൂ ആവോ, ഫെലിപ്സ് താരമായ പോലെ ജോമോനും താരമായി. ODC ജോമോനെ വാഴ്ത്തി പുതിയ ന്യൂസ് പേപ്പറിറക്കന്‍ തീരുമാനിച്ചു. ചാനലുകള്‍ ജോമോന്റെ വാക്കുകള്‍ക്കയി ഓടിയെത്തി. കയ്യുകള്‍ പിണഞ്ഞുപിടിച്ചു ഒരു നെടുമുടിവേണു സ്റ്റ്യ്ലില്‍ ജോമോന്‍ ഉത്തരങ്ങള്‍ പറഞ്ഞു. "പൂവങ്കോഴിക്കു മുലവന്നു " എന്ന രായപ്പന്‍ ഡയലോഗുകള്‍ അദ്ദേഹം കാച്ചിവിടുന്നുണ്ടായിരുന്നു എന്നാരോ പറഞ്ഞതു കേട്ടു, ശരിയായിരുന്നിരിക്ക്ക്കണം.ശരിതന്നെ ആവും...



ഞാന്‍ വെള്ളംകുടിക്കാനായി തിരിഞ്ഞു നാടന്നപ്പോള്‍ കൂവിയ മറ്റൊരു സുഹൃത്തിനോട് എനിക്ക് വിഷമമില്ല.[ ആ കള്ള ഡാഷിന്റെ മോന്റെ മോനുള്ളതു ദൈവം കൊടുത്തോളും, അല്ലെങ്കില്‍ ഞാന്‍ ഇരുട്ടടി കൊടുക്കുവാന്‍ മായാവിക്കു കൊട്ടേഷന്‍ കൊടുത്തോളാം, നീ വിഷമിക്കണ്ട]


അങ്ങനെ തലതാഴ്ത്തി നടക്കുമ്പോള്‍ - അതു ഒരുപാടുനേരം ചെസ്സ് ബോര്‍ഡിലേക്കു നോക്കിയിരുന്നതോണ്ട് കഴുത്ത് വേദനിച്ചിട്ടാണ് തല താഴ്ത്തി നടന്നത്, അല്ലതെ വേറൊന്നും കൊണ്ടല്ല- എന്റെ കാലില്‍ ഒരു കടലാസു കഷ്ണം തട്ടി. ഞാനതെടുത്തു. മലയാളത്തിലുള്ള ഒരു കത്തായിരുന്നു അത്. നിനക്കുവേണ്ടി മാത്രം ഞാന്‍ അതിവിടെ ബ്ലോഗാം.


എന്റെ പ്രിയപ്പെട്ട പഴയ സഹമുറിയാ...

നിനക്കും ഭാര്യക്കും അവിഹിത ഭാര്യമാര്‍ക്കും സുഖം തന്നെ എന്നു കരുതുന്നു. ഞാന്‍ സുഖായിട്ടിരിക്കുന്നു. നീ പോയതിന്നു ശേഷം ടിവിക്കരും പത്രക്കരും ഇങ്ങോട്ടു കൂടുതലായി വരാറില്ല. അതു കാരണം അന്നു മേടിച്ച പൌഡര്‍ ടിന്നൊക്കെ ഇപ്പൊഴും അതു പോലെയുണ്ട്. എനിക്കും പണ്ട്ത്തെ ഗ്ലാമര്‍ ഇപ്പോ ഇല്ലാല്ലോ...ഇപ്പൊ നിങ്ങടെ പ്രഫഷനല്ലേ ഡിമാന്റ്. ഞാനും ഇവിടെ നിന്നിറങ്ങിയിട്ട് അതാണു പ്ലാന്‍ ചെയ്യുന്നത്. നിന്റെ അനുഗ്രഹം ഉണ്ടാവുമല്ലോ.

പിന്നെ ഞാന്‍ ഈ കത്തെഴുതുന്നത് എന്റെ ഒരു സുഹ്രുത്തിന്റെ സുഹ്രുത്തിനു വേണ്ടിയാണ്. ഇയാള്‍ക്കു ചെസ്സ് മത്സരങ്ങളില്‍ ജയിക്കാനായി നീ കൊടുക്കാറുള്ള മന്ത്രങ്ങള്‍ ജപിച്ചു കെട്ടിയ ആ ഏലസ്സുകളും [അരയില്‍ കെട്ടാവുന്നതരത്തിലുള്ളത്] വെട്ടുകള്‍ തടുക്കുവാനുള്ള മന്ത്രം നൂറ്റൊന്നുവട്ടം ഉരുവിട്ടൂ കെട്ടിയ രക്ഷകളും [ കയ്യില്‍ കെട്ടുന്നത്] നീ കൊടുത്തു വിടണം.

ചാത്തന്‍മാരെ ഞാന്‍ കുപ്പിയിലാക്കി കൊടുക്കുന്നുണ്ട്. നിന്റെ ഒരനുഗ്രഹം കൂടെയുണ്ടാവുമ്പോള്‍ ഒന്നും പേടിക്കനില്ലെന്നു സൂര്യാ ടിവി യിലെ ആ തടിയന്‍ പറഞ്ഞ പ്രകാരമാണു ഞാന്‍ അങ്ങോട്ടയക്കുന്നത്.



പിന്നെ, ആള്‍ സോഫ്റ്റ്വേര്‍ കമ്പനിക്കാരനാണെങ്കിലും ജോലി ചെയ്യുന്നത് മരവുമായി ബന്ധമുള്ള പേരുള്ള ഒരു കമ്പനിയിലാണ്. അവര്‍ ജീവിക്കനുള്ളതില്‍ കൂടുതലൊന്നും ശംബളമായി കൊടുക്കറില്ലാ. കല്ല്യാണലോജനകള്‍ക്കു പേണ്ണിന്റെ അച്ചനെ കാണിക്കാനും ക്രെഡിറ്റ് കാര്‍ഡിന്‌ കൊടുക്കനും മാത്രം അവരുടെ കമ്പനി അവരോടു തന്നെ പേയ്സ്ലിപ് ഉണ്ടക്കാന്‍ പറയുന്നത് കൊണ്ടാണ്‍ നമുക്കത് മനസ്സിലാവാത്തത്. അതുകൊണ്ട് പകുതി കാശു നീ ഡിസ്കൌണ്ട് കൊടുക്കണം.

എന്നാല്‍ നിര്‍ത്തുന്നു.

സ്വന്തം,
ശബരിമല തന്ത്രിയായിരുന്ന കണ്‌ഠരര്‌ പെണ്‍കോന്തരര്.
റൂം നമ്പര്‍ 9, പൂജപ്പുര ജയില്‍
തിരുവന്തപുരം

ഒപ്പ് ...ശുഭം!

To
ശ്രീ സന്തോഷ് മാധവാനന്ദസ്വാമികള്‍
' അര്‍മാദാശ്രമം' ഫ്ലാറ്റ്സ്
തോപ്പുംപടി, ഏറണാകുളം
നിയര്‍ മനോരമാ ജന്‍ക്ഷന്‍


പാര്‍ളിമെന്റില്‍ മന്മോഹന്‍ജി വിശ്വാസ വോട്ടുനേടി എന്നറിഞ്ഞപ്പോ അച്ചുമാമനും മയാവതി ആന്റിയും ഞെട്ടിയതിനേക്കാള്‍ ശക്തമായി ഞെട്ടിത്തെറിച്ച ഞാന്‍ ഞെട്ടല്‍ വിമുക്തനായ ശേഷം ഓടി, ഒളിമ്പിക്സ് കമ്മറ്റിക്കു ഈ കൊടും ചതിയെ പറ്റി മെയില്‍ അയക്കാന്‍ . ഉത്തേജകമരുന്നടിച്ചു വരുന്നവര്‍ക്കുള്ള അതേ ശിക്ഷ ജോമോനും കൊടുക്കന്‍ പറയണം. മെയില്‍ തുറന്നപ്പോള്‍ നമ്മുടെ ഒരു സുഹൃത്ത് ഞങ്ങള്‍ ചെസ്സ് യുദ്ദത്തില്‍ ഏര്പ്പെട്ടിരിക്കുമ്പോള്‍ എടുത്ത ഫോട്ടൊ മെയിലില്‍ കിടക്കുന്നൂ.ഞാന്‍ ഫോട്ടോ എടുത്ത് പരിശൊദിച്ചു. ഏനിക്കൊന്നും തോന്നിയില്ല. അതെടുത്തു ഞാന്‍ പൂനയിലുള്ള എന്റെ പഴയകാല സുഹൃത്തിന്നയച്ചു, അവിടത്തെ ക്രയിം മെഡിക്കല്‍ ചെക്കപില്‍ അവര്‍ ഫൊട്ടൊയുടെ അപ്ഡമന്റെ അള്ട്രാ സൌണ്ട് സ്കാനിങ്ങില്‍ ആ സത്യം കണ്ടു പിടിച്ചൂ. യുറേക്കാ... യുറേക്കാ... " ജോമോനു ചുറ്റും ചാത്തന്‍മാരുടെ ഒരു കൂട്ടം". ആ ഫോട്ടൊ നിനക്കു വേണ്ടി ഞാന്‍ ഇവിടെ അറ്റാച്ചുന്നു.

'ജോമോനും ചാത്തന്‍മാരും'

ആ ചുറ്റും കാണുന്ന വലയത്തിന്റെ ഒരു ഫോട്ടൊ വലുതാക്കി നോക്കി. അപ്പോഴാണു ചാത്തന്‍മാരാന്നു മനസ്സിലാക്കിയതു. അതും നിനക്കയി ഞാന്‍ പോസ്റ്റുന്നു.

ഗുലുമാല്‍ ചാത്തന്‍

പരാതി കൊടുത്തു വീട്ടിലേക്കു പോവുന്നതിന്നു മുന്നെ ഒന്നിനു പോവാന്‍, അഭിമാനമുള്ള ആണുങ്ങളുടെ ചിത്രമുള്ള, റൂമിലേക്കു കയറി. അവിടെ മൂലയില്‍ എന്തോ തിളങ്ങുന്നതു ശ്രദ്ദയില്‍ പെട്ടാണ് ഞാന്‍ അതെടുത്ത്. രണ്ട് വെള്ളികെട്ടിയ രുദ്രാക്ഷങ്ങള്‍. അതില്‍ കൊത്തിവച്ചിരുന്ന അക്ഷരങ്ങള്‍ ഞാന്‍ കൂട്ടി വായിച്ചു.


" നിങ്ങളെ രക്ഷിക്കാന്‍ ഞങ്ങളുടെ രക്ഷകള്‍ : ആനന്ദാശ്രമം സ്വാമി മാധവാന്ദസ്വാമികള്‍ അനുഗ്രഹിച്ചു തരുന്ന കയ്യില്‍ കെട്ടുന്നതും അരയില്‍ കെട്ടുന്നതുമായ രക്ഷകള്‍ "

ബാക്കി ഇനി ഒളിമ്പിക്സ് കമ്മറ്റി കൂടി തീരുമാനിക്കട്ടെ. ഞാന്‍ മനസ്സില്‍ പറഞ്ഞു....
പക്ഷെ അപ്പൊഴും ഒരു കാര്യം മിസ്സിങ്ങ് അല്ലെ... ലേത് ... ഏനിക്ക് കിട്ടിയതു ഒരു ജോടി രുദ്രാക്ഷം, അതു മിക്കവറും കയ്യില്‍ കെട്ടുന്നതാവും. എന്നാല്‍ ആ കത്തില്‍ പറഞ്ഞ കാര്യങ്ങള്‍ കമ്പ്ലീറ്റ് ശരിയാണെങ്കില്‍ ജോമോന്റെ അരഞ്ഞാണം , അരയില്‍ കെട്ടുന്നത്, അതുതന്നെ- ബെല്‍ട്ട്-
ലതെവിടെ പ്പോയി?  ഇനി അടുത്ത കളിക്കുവേണ്ടി മാറ്റിവച്ചതാണോ??? ആര്‍ക്കറിയാം...

ഇനി നിനക്കെങ്ങാനും കിട്ടിയാല്‍

ഒളിമ്പിക്സ് കമ്മറ്റി,
കെയര്‍ ഓഫ് ജോയ് കമ്മറ്റി
ല ല്ല ല്ലം ODC
മനമരം
വീണ്ടും ബ്ലാങ്കൂര്‍ 59

എന്ന വിലാസത്തില്‍ അയക്കാനപേക്ഷിക്കുന്നു.