നിയമപരമായ മുന്നറിയിപ്പ് : " സോറി. ചില സാങ്കേതിക കരണങ്ങളാല് ഇവിടെ സ്നേഹപൂര്വ്വം ഞങ്ങള് വിളിക്കുന്ന ' നിക്ക് നെയിംസ് ' മാത്രമേ ഉപയോഗിക്കാന് പറ്റൂ. ഉപയോഗിച്ചിരിക്കുന്ന പേരുകള് എല്ലാം തന്നെ യഥാര്ത്ഥ 'വിളിപ്പേരുകള്' തന്നെയാണ്, ഇന്നും പ്രചാരത്തിലുള്ളവയും... "
കല്ല്യാണമായിരുന്നു.നത്തു നാരായണന്റെ!!!
സ്വന്തമായ കുറ്റം കൊണ്ട്ല്ല ആ പേരു വീണതു. ആയതിന്റെ കമ്പ്ളീറ്റുത്തരവാദിത്തം മമ്മൂട്ടിയ്ക്കാണ്. സ്വന്തം പേരില് മമ്മൂട്ടി അഭിനയിച്ചതു കൊണ്ടു മമ്മൂട്ടിയുടെ ചെല്ലപ്പേരു ഞങ്ങള് ആ മാന്യസുഹൃത്തിനെ വിളിച്ചു പോരുന്നു. ബ്ബഹുമാനപൂര്വ്വം...
എന്നത്തെയുംപോലെ അവസാന നിമിഷം കല്ല്യാണത്തിനു പോണംന്നു ബാങ്ക്ളൂരില്നിന്ന് ഞാന് തീരുമാനിക്കുന്നു. ഓടിച്ചിട്ടൊരു ടിക്കെറ്റ്കിട്ടി ബസ്സിന്. ട്രാവല്സില് വിളിച്ചു സ്തിരം മണിയടിക്കുന്ന ചേട്ടന്റെ കാലുപിടിച്ചു നമ്മുടെ നാട്ടിലൂടെ പോവുന്ന ബ്സ്സില് തന്നെ സീറ്റ് ഒപ്പിച്ചെടുത്ത എന്നെ സമ്മതിക്കണം.
രണ്ടുമണിക്കൂര് ട്രാഫിക്കിന്റെ നിഷ്ഠൂരമായ ഹ്രിദയമിടിപ്പുകളുടെ പിടിയില് അകപ്പെട്ട് ബസ്സ് പുറപ്പെടുന്നതിന്റെ പത്തുമിനിട്ടു മുന്നെ മാത്രംഅവിടെ ഓടിപ്പിടിച്ചെത്തി ടിക്കറ്റെടുത്തു ബോര്ഡിങ്ങ് പാസ്സും വാങ്ങി വിശപ്പിന്റെ വിളിക്കു ചെവികൊടുത്തു പരിസര വ്രിത്തിക്കു പണ്ടേ പ്രസിഡണ്ടിന്റെ അവാര്ഡ് മേടിച്ചെടുത്ത കലാശിപ്പാളയത്തെ, നമ്മുടെ സ്വന്തം ഹോട്ടല് കല്പകയില്നിന്നും സ്പോര്ട്സ്മാന് സ്പിരിറ്റൊടെ രണ്ടു പൊറോട്ടയും ചിക്കന് മസാലയും ആറര മിനിറ്റുകൊണ്ടു കഴിച്ചു ബാക്കി വന്ന അരമിനിട്ടില് ഒരേംബക്കവും വിട്ടു ബസ്സിലേക്കു ഡൈവു ചെയ്തു.
ഭാഗ്യം എന്നും നമ്മുടെ കൂടപ്പിറപ്പാണല്ലോ ഹച്ചിന്റെ പട്ടിപോലെ.
സെമി സ്ലീപ്പറില് എനിക്കു കിട്ടിയ സീറ്റിന്നുമാത്രം കാലുവെയ്ക്കാനുള്ള ആ 'കിടിനാപ്പില്ല'. ബസ്സില് കയറിയാല് ഉറക്കം പണ്ടേ അക്കരപ്പച്ചായാണ്. എല്ലാവരെയും ' മൊബൈലി ', ഞാന് നാട്ടില് പോവാന്നും ഭാഗ്യത്തിനു ബസ്സു കിട്ടി എന്നും ധരിപ്പിച്ചു ഒന്നുറങ്ങാന് തുടങ്ങി വന്നതാണ്. അടുത്ത സീറ്റിലെ ചേട്ടന് തുടങ്ങിയില്ലേ സംഗീതം. ഒന്നൊന്നര കൂര്ക്കംവലി. എന്തേലും ആവട്ടെ. കണ്തുറന്നും അടച്ചും ഉറങ്ങാന് തുടങ്ങിയപ്പൊഴേക്കും ബസ്സ് ചായ കുടിക്കാന് നിര്ത്തി. അവിടെ ഉള്ള ടീംസ് പണ്ടേ ഉറങ്ങുന്നവരെ ഉണര്ത്താന് മിടുക്കരാണല്ലോ... അങ്ങനെ ഉറക്കം ഒരുലക്കയായി അന്നും തലയ്ക്കുമുകളില് തൂങ്ങി നിന്നു.
കറക്റ്റ് ആറ്മണിക്കു നാട്ടിലെത്തി. ഓട്ടോ വിളിച്ചു വീടുപിടിച്ചു. എല്ലാ പ്രഭാത ക്രിത്യങ്ങളും കഴിച്ചു നന്നായി കുളിച്ചു ബ്രേക്ക് ഫാസ്റ്റും കഴിച്ചു വിട്ടു വണ്ടി കല്യാണവീട്ടിലെക്കു. മുഹൂര്ത്തം 8:45 നാണ്.
ഫുള് ടീംസ് അവിടെ റെഡിയാണ്. ഫുള് സെറ്റപ്പില് തന്നെ. എല്ലാരും സുന്ദരന്മാര്. മെരു, സെന്റി,കുട്ടിച്ചാത്തന്,മുത്തന്,തൊരപ്പന്,നട[നടേശന്],രോമാന്ജം തുടങ്ങി മിസ്റ്റര് കുഞ്ഞംബുവേട്ടന് വരെയുളള് നമ്മുടെ ക്ലബ്ബ് മെംബേഴ്സ് എല്ലാരും എവെറെഡി.നമ്മളെത്താന് വൈകിയതില് മൊത്താമായും ചില്ലറയായും മാപ്പു പറഞ്ഞ ശേഷമാണ് ടീംസ് ജാട വിട്ടതു. പിന്നെ എന്നതെയും പോലെ കര്യങ്ങള്.
പെണ്ണിന്റെ വീട്ടില് പോയി താലികെട്ടും കഴിഞ്ഞു ശേഷം സദ്യയും തട്ടി അവിടെ വെടിപറ്ഞ്ഞിരിക്കുന്നതിന്നിടയിലാണു ഒരു വിചിത്രമായ ശബ്ദം. ഓട്ടോറിക്ഷയുടെ ശബ്ദമല്ല, എതാണ്ടു അതുപോലെ, വെള്ളമടിക്കാനുപയോഗിക്കുന്ന ഒരു പഴയ മോട്ടോറിന്റെശബ്ദം പോലെ എന്നാല് അത്ര ഉഛത്തിലല്ല. ആരുടെയോ പോക്കറ്റില്നിന്നാണ്. ശ്രദ്ദിച്ചപ്പോള് മനസ്സിലായി. മിസ്റ്റര് സെന്റിയുടെ പോക്കറ്റില്നിന്നാണ്. ആളു അതു പുറത്തെടുത്താപ്പൊഴാണ് മനസ്സിലായത് സോണീ എറിക്സണ്ന്റെ റിങ്ങ്ടോണാണ്.
പിന്നെ അങ്ങോട്ട് പിടിവിട്ടചിരിയായിരുന്നു എല്ലാവരും. ഒരു രക്ഷയുമില്ലാത്ത ചിരി. കൂടെ ഒരാള്മാത്രം വല്യ ചിരിയൊന്നുമില്ലാതെ ഒരു സൈക്കിളില്നിന്നും വീണ ചിരിയുമായിരിക്കുന്നൂ. എന്തോ സംഭവിച്ചിട്ടുണ്ട്. മിസ്റ്റര് തൊരപ്പന് സാറാണ് അട്ജസ്റ്റ് ചെയ്ത ചിരിയുമായി സീനിലുള്ളത്. പണ്ട് സെക്കന്ഷോയ്ക്കു പോയപ്പോള് ഒരു കോഴി [നൈറ്റ് വാക്കിങ്ങ് കഴിഞ്ഞിരങ്ങ്യതാവണം അസമയത്തൊരു കോഴി, അതോ ബോയ് ഫ്രെണ്ട് ചീറ്റ് ചെയ്തതുകൊണ്ട് ആത്മാഹുതി ചെയ്യാനോ???] കുറുകെച്ചാടിയപ്പോള് അതിനെ രക്ഷിക്കനായി ഓട്ടോ വെട്ടിച്ചു അതിന്റെ മൂന്നു ടയറും കോഴിയുടെ മേലെക്കയറ്റിയിറക്കി അത്ഭുതം സ്രിഷ്ടിച്ച ആളാണ് കക്ഷി. അതുപോലെ എന്തോ പുതിയത് ഇറക്കിയിട്ടുണ്ട്.
" എന്താ സംഭവം? " ഞാന്
" കള്ള ഡാഷുകളേ... അതു നിങ്ങള് റിങ്ങ് ടോണാക്കിയല്ലേ... നീ യൊന്നും അടുത്തതിന്റെ അടുത്ത ജന്മത്തില് പോലും നന്നാവില്ല... &^%$^%#$%# " എന്നു തൊരപ്പന്സ്.
സംഭവം മുഴുവനായി മനസ്സിലായില്ല... പിന്നെ നമ്മുടെ നടേശന്മാഷ് [ മിസ്റ്റര് വെള്ളാപ്പള്ളിനടേശന്റെ അനുയായി ആയതിന്നു ശേഷമാണു ആള്ക്കാ പേരു വീണത്, ചുരുക്കി ഞങ്ങള് മിസ്റ്റര് നട എന്നും വിളിക്കും ] ആണു ഫുള് വിവരിച്ചതു.
കല്ല്യാണതലേന്നത്തെ കഠിനാദ്ധ്വാനത്തിനുശേഷം ടീംസ് ചെറിയ കലാപരിപാടികള്കഴിഞ്ഞു ഉറങ്ങന് കിടന്നു. കഥപറഞ്ഞു കിടക്കുന്നതിന്നിടയില് തൊരപ്പന്സാറുറങ്ങിപ്പോയി. നിര്ദ്ദോഷമായി സാര് ഉറക്കത്തില് അറിയാതെ വലിച്ച കൂര്ക്കം വലി മിസ്റ്റര് സെന്റി തന്റെ സോണീ എറിക്സാണില് നന്നായി റെക്കോര്ഡി, വിത് ഡി ടി എസ് ഇഫെക്റ്റ്... എന്നിട്ടതു റിങ്ങ്ടോണാക്കി. ഉറക്കത്തിന്റെ റിങ്ങ്ടോണ്... അതായിരുന്നു ആ വിചിത്ര ശബ്ദം. ദോഷം പറയരുതല്ലോ, തൊരപ്പന്സാറു കല്ല്യാണം കഴിച്ചാല് , ആ പെണ്ണ് ഉറങ്ങാന് ഇത്തിരി കഷ്ടപ്പെടും...
അടിക്കുറിപ്പ്: കല്ല്യാണം കഴിഞ്ഞു ബഹളങ്ങളെല്ലാം തീര്ന്നു ഇത്തിരി സ്വസ്തമായിരിക്കാന് സമയം കിട്ടിയപ്പൊള് ഞങ്ങള് കഥപറയാനായി വീണ്ടും കൂടി. വട്ടമിട്ട് ഇരിക്കുന്നതിന്നിടയില് മിസ്റ്റെര് ബള്ബ് [ ബള്ബ്, ആ കഥ പിന്നെ, ഇത്തിരി വലുതാണ്] ഇരുന്ന ചെയറിലിരുന്നു ചെറുതായിട്ടൊന്നുറങ്ങിതുടങ്ങി. ആളെ വിളിച്ചുണര്ത്തി, സുന്ദരന്റെ കമന്റ്...
"... ഉറങ്ങരുത്... ഇവിടെ ഉറങ്ങിയാല് റിങ്ങ്ടോണാ..."
Subscribe to:
Post Comments (Atom)
1 comment:
Thorappan sir inte charithram kollam :)
Nalla vivaranam...
Post a Comment